strætó

Nú já ... ég er búinn að vera að reyna að komast í skólann mjög lengi í morgun, hvers vegna? jú vegna þessa að bölvaður andskotans strætóinn getur bara ekki verið á réttum tíma!! díses hvað ég er pirraður yfir þessum fjanda! en ég ákvað bara að taka mig til og senda eitt stykki kvörtunarbréf til umsjónarmanna þessa horbjóðs, voila:

"Ég er einmitt að spá í þessum tímum sem að strætisvagnar eiga að vera að fara eftir. Hvernig í andskotanum stendur á því að þessir vagnar geta aldrei nokkurntíman verið á áætlun? Núna er ég búinn að missa af 2 vögnum í röð vegna þess að þeir voru töluvert á undan áætlun!!! Er ekkert að marka þessar merkingar sem að settar eru í vagnaskýlin, eða er þetta bara svona viðmiðum, plús mínus 10 mínútur eða svo? Þetta kerfi ykkar er alger skömm og markleysa, og þið ættuð hreinlega að skammast ykkar, því manni sýnist hreinlega ekki betur en að þið séuð að reyna að stugga fólki frá því að nota almenningssamgöngur, þvílíkur er fáráðshátturinn við uppsetningu þessa kerfis.

Ég ákvað að hringja ekki inn vegna þess að þá hefði ég bara farið að öskra á einhverja greyans konuna sem að hefur sér ekkert til saka unnið, en ég vona að þetta bréf finni sér rétta leið til apakattanna sem að skipulögðu þessa hörmung.

Takk fyrir

Biggi Toker"

ég alveg hreint stórefa að þessar undirlægju skrifstofurottur eigi eftir að þora að senda þetta áfram á nokkurn sem að hefur eitthvað um málið að segja í þessu fáránlega illa rekna ríkisbjákni ... en maður getur lengi vonað ...

þangað til næst ...

skóli og aðgerðarleysi

já ... alltaf í skóla og skóla, sem mun bara koma að góðum notum seinna meir á ævinni, 3. stig vélstjórnar er vissulega betra en 2. stigið ... mikið er ég feginn að hafa drullast aftur í skólann, og er líka bara að brillera ... það símat sem að boðið er upp á negli ég með 5" nagla ... svo er bara að safna sér einni eða tveim milljónum og skella sér til Amsterdam í upptökustjórnunina ...

nú, aðal gallinn við að vera í skóla er að ég er að verða 24 ára gamall, og bý hjá mömmu og pabba, djíses kræst vinur, það er bara sad ... en vonandi gengur sumarið vel og ég get verið með mína eigin íbúð þessa einu önn sem að ég á eftir í 3. stigið ... hmmmm .... hvað mun framtíðin bera í skauti sér?

þangað til næst ...

svona mun ég víst deyja

How Will I Die Quiz You will die at the age of 98 You will die by drowning in your own body sweat Find out how you will die at Quizopolis.com

erum við vinir?

já, það er oft merkileg spurning það ... hverjir eru í raun og veru vinir manns, og hverjir eru bara að nota mann? en þeirri spurningu er mjög oft auðsvarað, og maður þarf ekki einu sinni að spyrja hennar, heldur bara að taka eftir því hvernig fólk hagar sér við þig, hvað það spyr um, hvers það ætlast til af þér á móti því hvað það ætlast til af sjálfu sér .... já, það virðist svo vera sem að enginn lesi þetta, svo að ég er bara að pæla í að ausa úr skálum reiðinnar ... eða ... ætti ég að gera það?

barnalegir helvítis letingjar, jesús minn eini kristur ... fullkomið ábyrgðarleysi og aumingjaskapur, djöfull fer svoleiðis í taugarnar á mér ... ef ég umgengst fólk nógu lengi þá fæ ég bara nóg af því, sé alla leið í gegn og get ekki hugsað mér að vera nálægt því lengur ... já ... bless og farðu í rassgat minn fyrrum vinur, það er mjög gtot að vita hversu mikils virði ég var þér ... ég vona að þú verðir rekinn helvítis letinginn þinn

þangað til næst ...

á föstu

þeir vinir mínir sem að eru á föstu, virðast alls ekkert vera ánægðir með það ... alltaf er eitthvað að konunum þeirra ... "konan mín reykir ekki gras" ... "konan mín er svo leiðinleg" blablablablabla .... ég skil ekki svona væl .... ég væri alveg til í að vera með einhverri stelpu, en það bara er ekkert að fara að gerast og ég veit það alveg ... bull væl og rugl, strákar, veriði ánægðir með það sem að þið hafið, aularnir ykkar


þangað til næst...

það eru ENGIN ný skilaboð

en leiðinlegt .... aldrei ný skilaboð til mín ... annaðhvort er ég með svona svakalega krabbaskel, og hleypi bara engum inn að mér, eða ég er æðislega leiðinlegur og óáhugaverður maður ... ég vona samt ekki ...

búinn að vera rosalega þungur síðustu daga ... veit ekki hvað hefur verið að ... en mig grunar að andinn minn vilji fara ... ég ætti að rækta hann betur

og hvernig er svo hægt að rækta andann án þess að borga Guðjóni Bergmann eða einhverjum öðrum falsara 59990 krónur fyrir? ... sahaja yoga er svarið ...

iff .... ég get ekki beðið eftir að komast héðan

þangað til næst...

strætó

já ... íslenska strætókerfið er í rugli enn og aftur ... loksins þegar maður var búinn að venjast "nýja" kerfinu er riðið á vaðið og skellt öðru kerfi á .... oooo vinur það sökkar, læra á þetta allt upp á nýtt og allskonar vesen ... en það er nú kanski ekki það versta í þessu lífi ... kanski er verra að frjósa til dauða í síberíu? eða þurfa að fara í júróvisjón partí með fólki sem að hefur virkilegan áhuga á þessu bulli ...

ef það er einhver sem enn lítur inn á þessa síðu máttu endilega skilja eftir eitt komment eða svo ... fer að byrja aftur að skrifa aftur, ef þú skilur hvað ég á við


þangað til næst ...